يـابوي ماني من سوات المخاريب آللي تجيب لعلية القوم خيبه

/



/



(يآبوي)جعلك للبقا والمكاسيب / عمري بدونك يالذّرا ويـش أبـي بـه

( يآبوي) تسأل عن شفاك المراقيب / طلعـة سواتـك للنّوايـف غريبـه

ليه المرض مايعرف الزّين والعيب / مايدري انك للمخاليق هيبـه!

أبسألك وش به غزا وجهك الشيب / والقلب لايـع والنواظـر شحيبـه

وش بك تحاتي لانوى الموت تغريب / تخشى علينا بالليّالـي الكئيبـه

خذ دلّتك واركى على مسند الجيب / وعطني شماغك بلثمه وأحتمي به

ونروّح لأرض ٍ بها العشب والطيب / وتسمع كلام يالغلا تحتفـي بـه

( يآبوي) بنتك لاانحكى بالتّجاريب / كل ٍ يشـق لهيبـه الصّيـت جيبـه

( يآبوي) ماني من سوات المخاريب / اللّي تجيـب لعليَـة القـوم خيبـه

وماني من اللّي لامشت حفّها الرّيب / أنا من اللّـي مايدنّـس حليبـه

مرفوع شاني عن غرام المكاتيب / وأكبر من انّني أرتضي بالحبيبـ/ـهـ !

أنا غرامي لاابتدوا بالتّراحيب / نفوس الأوادم فـي وجـودي رحيبـه

وان كان زيني فتنة ٍ للمصاويب / أحـط وجهـي بالحريـق ولهيبـه

زيني أبيعه وأشتري سمعه الطّيب / اسم ٍ ينومس بالصّروح الذ ّهيبـه

وان كان عندي بالحلا شي ٍ اصعيب / عندي جدود مارضت بالغليبه

دموع القبايل فـي لقانـا مساكيب / كـن المقابـر لاحـضرنـا قريبـه

خضّبت لك كفّي من العز تخضيب / ورفعت راسي للنّجـوم الصّعيبـه

والله لأسدّك بالفعول المصاليب / والله لأشيلـك بالرخـا والمصيبـه

طلع المعالي ماانحكم للشّواريب / ( بنتٍ ) وأناطح فـارس القـوم طيبـه

وياشيخي إبشر لوتدور الدّواليب / بنتك إلا منّه عوى الذّيب ( ذيبـه )



/



/

السلام عليكم والرحمة


هلا بالمهره العطاوية والله نقل خطير وما قصرتي

عيبتني ابيات وايد واخترت من بينهن هالبيت



طلع المعالي ماانحكم للشّواريب / ( بنتٍ ) وأناطح فـارس القـوم طيبـه

نقل موفق واتمنى يصحصح هالمنتدى وترد حيويته والكل يشاركنا

تسلم اناملج يالغالية ونتريا كل غاوي من صوبج ولا تحرمينا باليديد


آهـــــــــات